Fi ova a year now dem been featuring di story on 2 girls who got killed in Mobay execution style – one a dem name Toni Nobles, mi cyaa rememba di odda girl name. mi a get fi undastand seh a 2 police bwoy kill di girl dem bcuz dem pick dem up nicely claim seh dem ago drop dem off weh dem a go, but den start try **** off di girl dem an di girls neva deh pan weh dem deh pan so dem kill dem. Di yute weh a tell mi, seh him si dem, but him nuh know dem name, an again fear rules, suh bcuz him nuh know dem name him fraid fi go in an haffi identify dem.
Den dis taxi man a tell mi bout how 2 police bwoy tek weh dis likkle christian school girl who was on her way to church. Dem decide seh cuz shi anuh loose girl dem ago ‘si wid har’ an show har ‘sympathy’ by only mekking har gi dem oral sex. Suh di poor pickney had to perform oral sex on dem until dem pleased before dem let har go. Di taxi man seh di pickney nuh stop vomit, is like everytime shi memba weh dem mek har do shi vomit. Him seh shi in a terrible state .
.
