Raga, me want big up me cousin who is a deacon in church. Whey dey yah him link him church sistah and carry har to him house while de wife was there. Raga, him tell de wife say him and de church sistah a go do bible study inna de room and she must not disturb them. Raga, de wife had to cook lunch and dinner fi de both a dem and had to knock on de door when she serving it to them. De church sistah end up pregnant and when de wife ask him bout it, him tell him wife say is rape de church sistah get rape and him adopt de baby from de baby inna belly.

Yuh see how some people mek di church ting tun dem inna fool. Some a dem church people ya mus shame God. Tell me now, di wife cyaan look pon di baby an see seh di baby fayva har husband? An di church sista jus' as bad too, a how she bright lakka mawning star suh? - a walk up inna di woman house wid di woman husban an gawn inna room bout dem a 'pray'. An guh see har wen shi a pray too.deh pon har knee dem a tek some propa-propa holy ghost to har structa! If a laugh a wet up mi right leg!! A wa do dem people ya man?

aaay sah