Bwoy Richie B really get a nuff licks wid him EME Awards this year. After di ting did a gwaan good at Pegasus him get excited and move go up a Devon House, change up di date and mek di show flop.

Nobody doan give it no good review.

So we don't know wha' kind a foolishness him a chat bout sey di show gwaan good cause nuff international media did deh deh. The whole organizing committee and sponsor dem shoulda feel bad sey so much press was dere and it was the worst show eva.

The sound did awful, a bare no-show artiste and the people dem did a read out bare foolishness.

And den him a go sey dat di artiste dem who neva turn up and send a representative fi collect di trophy pon stage nah get dem award. A eediat ting dat. Cause a big big Satday night and it did right inna di miggle a springbreak. Di artiste dem haffi earn di money when it come f idem way. We sure sey Richie B nah emcee nobody show fi free and him nah go give up a emcee wuk fi go a no awards show, so him need fi know wah him a sey.